Auf der schwäbsche Eisebahne

Text und Melodie: Volkslied

Lied als mp3 anhören:

Auf der schwäbsche Eisebahne

Auf der schwäbsche Eisebahne gibt’s gar viele Haltstatione.
Stuegert, Ulm und Biberach, Meckebeure, Durlesbach.
Trula trula trulala, trula trula trulala.
Stuegert, Ulm und Biberach, Meckebeure, Durlesbach.

Auf der schwäbsche Eisebahne gibt’s au viele Restratione,
Wo ma esse, trinke ka, alles was der Mage ma.
Trula trula trulala, trula trula trulala.
Wo ma esse, trinke ka, alles was der Mage ma.

Auf der schwäbsche Eisebahne dürfet Kuh und Öchsle fahre.
Bube, Mädle, Weib und Ma, kurzum älls was zahle ka.
Trula trula trulala, trula trula trulala.
Bube, Mädle, Weib und Ma, kurzum älls was zahle ka.

Auf der schwäbsche Eisebahne wollt emol e Bäuerle fahre,
Goht an Schalter, lupft de Huet: “Oe Billettle, send so guet!”
Trula trula trulala, trula trula trulala.
Goht an Schalter, lupft de Huet: “Oe Billettle, send so guet!”

Einen Bock hat er sich kaufet. Und dass er ehm net verlaufet,
Bindet ehn der guete Ma an de hintre Wage na.
Trula trula trulala, trula trula trulala.
Bindet ehn der guete Ma an de hintre Wage na.

“Böckle tu nur woidle springe. S’ Futter werd i dir scho bringe.”
Setzt se zu seim Weible na und brennt’s Tabakspfeifle a.
Trula trula trulala, trula trula trulala.
Setzt se zu seim Weible na und brennt’s Tabakspfeifle a.

Wie der Bauer isch am Ziel und sei Böckle hole will,
Find’t er bloß no Kopf und Seil an dem hintre Wageteil.
Trula trula trulala, trula trula trulala.
Findt’t er bloß no Kopf und Seil an dem hintre Wageteil.

Und der Bauer voller Zorne nimmt de Kopf bei beide Horne.
Schmeißt ehn, was er schmeiße ka, dem Konduktör an Ranze na.
Trula trula trulala, trula trula trulala.
Schmeißt ehn, was er schmeiße ka, dem Konduktör an Ranze na.

Warum bischt so gschwind gefahre? Du muscht jetz de Schade zahle.
Du alloi bischt schuld do dran, dass i jetzt kei Bock meh han.
Trula trula trulala, trula trula trulala.
Du alloi bischt schuld do dran, dass i jetzt kei Bock meh han.

So jetzt war dies Liedle gsunge. Hat euch recht end Ohre klunge.
Stoßt mit eure Gläser a aufs Wohl dr schwäbsche Eisebah.
Trula trula trulala, trula trula trulala.
Stoßt mit eure Gläser a aufs Wohl dr schwäbsche Eisebah.

JETZT (auf_der_schwaebsche_eisebahne.pdf) DOWNLOADEN (PDF, Unknown)